Bidaia luzea egin behar duzunean, lehenik eta behin ibilgailua egoera onean dagoela ziurtatu behar duzu. Jarraitu mantentze-lanen inguruan eman dizkizugun gomendioak eta gainera, kontuan izan, kasu hauetan ondokoa ere komeni dela:

• BIDEA ETA ORDUTEGIA KONTROLATZEA. Bidaia aldez aurretik planifikatzen baduzu, zirkulatzeko orduan zalantzak eta arreta galarazteak saihestuko dituzu. Ahal den neurriak aurreikusi irteera eta itzulera, trafikorik handieneko egunak eta orduak saihestearren. Horretaz gain, 112 telefono-zenbakira ere dei dezakezu trafikoaren berri izateko, edo Interneten kontsultatu.
  
• BIDAIARI ATSEDEN HARTUTA EKITEA, OINETAKO ETA ARROPA EROSOA JANTZITA. Nekea saihesten lagunduko dizu.
  
• EKIPAIA MURRIZTEA, ahal den neurrian, behintzat, egoki banatzea ibilgailuan eta begirapena oztopa dezakeen guztia baztertzea.
  
• OTORDU ARINAK EGITEA. Otordu arinak egiten badituzu, argiago egongo zara. Ez edan alkoholik, eta ez edan kafe gehiegi. Eta tratamenduan bazaude, kontuz botikekin. Batzuek logura edo euforia sorrarazten dute. Hitz egizu sendagilearekin edo arretaz irakurri prospektua.
  
• 2 EDO 3 ORDUZ BEHIN GELDITZEA, eta 15 minutu inguruko atsedena hartzea, edo gelditzea logura, nekea edota kontzentrazio-arazoak sumatu bezain laster.