Deskontu Plana, AP-8 autobidea maiz erabiltzen duten pertsonei lehentasuna ematen dien programa da eta 2009ko urtarrilaren 1etik aurrera AP-1 Autobideko Gipuzkoako bide-zatian ere aplikagarria da (Eibarretik Isuskitza tunelean kokatuta dagoen Arabako mugaraino).

Deskontu hauek, BIDEGI, SAk (Gipuzkoako Azpiegituren Agentzia-Agencia Guipuzcoana de Infraestructuras) kudeatzen dituen Gipuzkoako AP-8 eta AP-1 autobideetako bide-zatian dira aplikagarriak eta horietaz baliatzeko hauek dira derrigorrez bete beharreko baldintzak:

• Pertsona fisikoa izatea.

• Ibilgailu arinean bidaiatzea.

• Kontu korronte bat edukitzea momentuz BIDEGI, SArekin elkarlanean ari diren finantza-erakunde laguntzaile hauetako batean: Kutxa, Caja Laboral, La Caixa, Banco Guipuzcoano, Bankoa, Caja Rural de Navarra eta Iparkutxa.
• Plan honetan sartzeko ViaT1 teleordainketa sistema erabiltzea beharrezkoa izango da aurretik aipatutako kontu korronte horri atxikituko baitzaio. Ordainketa sistema hau azaldutako edozein finantza-erakunde laguntzailetan eskura daiteke prezio murriztuan (alokairu moduan) AP-8 eta AP-1 autobideetarako Deskontu Plana eskatuz.

• Gipuzkoako Udalerri batean erroldatuta egotea, horretarako, bertako Udalak emandako erroldatze-ziurtagiria aurkeztu beharko da.

• Gipuzkoako Foru Aldundiko Ogasunarekiko zergen ordainketan egunean egotearen ziurtagiria; hurbileneko Ogasun-Ordezkaritzan eska daitekeen ziurtagiria aurkeztuz frogatu beharrekoa.

Hileko deskontuak aplikatzeko, sistema ondorengo baldintzetan oinarritzen da:

• Hilabete zehatz batean deskontuak aplikatzeko, guxtienez, hilabete horretan 6 bidaia egitea nahitaezko baldintza izango da, ondoren azaltzen diren ezaugarriak kontuan hartuta:

   

  • Kobratzeak bidaia bakoitzaren bukaera adieraziko du.
  • AP-8 Autobidean hasi eta bukatutako bide-zatiak: Nahiz eta bide-zatiaren parte bat Bizkaiko Lurraldearen AP-8n autobidean egin, deskontua automatikoki Gipuzkoako bide-zatian aplikatuko da.
  • AP-1 autobidean hasi eta bukatutako bide-zatiak: Nahiz eta bide-zatiaren parte bat Arabako Lurraldearen AP-1 autobidean egin, deskontua automatikoki Gipuzkoako bide-zatian aplikatuko da.
  • AP-8 autobidean hasitako bide-zatiak eta AP-1ean bukatutakoak, edo alderantziz: deskontua automatikoki Gipuzkoako bide-zatiari aplikatuko zaio, nahiz eta bide-zatiaren parte bat Bizkaian edota Araban burutu.

• %25eko deskontua, hileroko lehen eta zortzigarren bidaia arteko  zenbateko bakoitzari aplikatzekoa (biak barne).

• %55eko deskontua, hileroko bederatzigarren  eta hogeigarren bidaia   arteko zenbateko bakoitzari aplikatzekoa (biak barne).
• %75eko deskontua, hileko hogeita batgarren bidaiatik aurrera zenbateko bakoitzari  aplikatzekoa.

Egindako joan-etorrien banantze zehatza eta hilabete bakoitzean hauengatik aplikatutako deskontuak eskuratzeko BIDEGIn eska daitezke faktura edota burututako joan-etorrien agiria,  behean azaltzen den doako telefonoaren bidez. Aipatutako dokumentu hauek  hilabetero igortzen dira.

OSO GARRANTZITSUA: deskontuak hilabetea amaitutakoan eta pertsona bakoitzeko TAG batean aplikatuko dira. TAG edo bankua aldatu nahi izanez gero, sistemak azkeneko hilabetean aparatu berri horrekin burututako joan-etorrien zenbaketa hartuko du kontuan. Horrela, aldaketa aurretiko TAG-arekin egindako joan-etorriak ez dira deskontu planerako kontuan hartuko.

TEL: 900 500 300.

1 ViaT teleordainketa sistemaren inguruko informazio gehiago nahi izanez gero, BIDEGIra jo ezazue edo www.viat.es web orrian kontsulta egin.