Errepidean gozatzeko eta segurtasun-berme handienaz zirkulatzeko lehen baldintza ibilgailua egoera onean edukitzea da. Zure bizia, eta beste gidari batzuena, horren baitan egon baitaiteke. Horregatik gomendatzen dizugu aldioro-aldioro zure tailerrera joateko ondoko elementu hauen egoera ona egiaztatzera :

• PNEUMATIKOAK: Pneumatiko higatuek ibilgailuaren kontrola galtzea ekar lezakete edota, bestela, oso desplazamendu arriskutsuak sorraraz ditzakete. Halaber, beharrezkoa da guztien presioa egokia izatea, ordezkoarena barne.
• BALAZTAK ETA MOTELGAILUAK: Gomendatzen dugu balazta-pastilletatik hasi eta balazta-likidoraino egiaztatzea, zapatak eta diskoak barne. Eta gogoan izan motelgailu higatuekin gidatzen bada, frenaketa luzatu egiten dela eta ibilgailuaren kontrola oztopa diezazukeela bihurgune itxi batean edo zoru irregularrean.
• ARGIAK: Ondo funtzionatzen dutela egiaztatzeaz gain –atzera martxakoa eta lainoaren aurkakoak ahaztu gabe–, komeni da argi-sorta ondo erregulatua egotea. Bereziki gauean gidatu behar baldin baduzu.
• NIBELAK: Balazta-likidoa, haizetako-garbigailuko ura, eta ur desionizatua bateriarako, “mantentze-lanik” eskatzen ez duen bateria ez bada.
• KARBURADOREA.
• BATERIA: Kargaren, nibelen eta borneen egoera.
• UHALAK. Banaketa-uhala noiz aldatu behar den ere kontuan izan behar da.
• HAIZETAKO-GARBIGAILUA. KRISTALAK: kristal pitzatua edo kolpeak dituena lehertu egin ahal da, eta oso egoera arriskutsuak sorrarazi .
  

Horretaz gain, ziurtatu beti daramatzazula derrigorrezko seinaleztatzeko triangeluak, ordezko bonbillatxoen joko bat egoera onean eta errepidean behar den dokumentazio guztia: ibilgailuaren dokumentazioa, gidatzeko baimena, indarrean dagoen aseguru-poliza, bidai asistentziako txartela, IAT...