BERGARA IPARRA - HEGOA
*Luze: 4, 4 kilometro
*Aurrekontua: 77 milioi euro
*Tunelak:-San Martzial (1, 4 kilometro)
*Zubiak: -Ipiñarri (640 metro)
Ubera(260 metro)
A-1: DATU OROKORRAK
*Luzera: 46, 2 km.
*Luzera Gipuzkoan: 31, 9 km.
*Luzera Araban:14, 3 km.
*Tunelen Luzera Gipuzkoan: 10, 5 km.
*Zubien luzera Gipuzkoan: 4, 9 km.
A-1 GIPUZKOAN
Eibar – Bergara: 7, 2 km. (Irekita. 2003ko abendua)
Bergara Iparra – Bergara Hegoa: 4, 4 km. (Irekita. Uztailak 2004)
Bergara Hegoa – Arrasate: 3, 5 km. (2005ko udan irekiko da)
Arrasate – Eskoriatza: 6, 3 km. (2007ko bukaeran irekiko da)
Eskoriatza – Arlaban: 10, 4 km. (2007ko bukaeran irekiko da)
Irekitzen den zatian obra hauek sartzen dira: “Bergara hegoa - Bergara iparra” zatia egiteko kontratuko obra zibilak, “Zaldumendi eta Bergara iparraldearen arteko instalazioak” egiteko kontratukoak, eta “Arrasate – Bergara hegoa zatiko iparraldeko azpizatia” egiteko kontratuko batzuk.
Bergara hegoa - Bergara iparra zatiko obra zibila.-
Lanak 2001eko martxoaren 2an hasi ziren.
Kontratista BERGARA aldi baterako enpresa batasuna izan da, FCC eta Necso enpresek osatua.
Lanen zuzendaritzaz SENGET II aldi baterako enpresa batasuna arduratu da, SENER eta GETINSA enpresek osatua.
Irekitzen den zatiak Bergara iparraldeko lotune erditik Zaldumendiko lotunearen hasieraraino doan autopista enborreko 4,4 km hartzen ditu.
Aurrekontua 62 milioi euro da.
Zati honetako obra nagusiak hauek dira:
Uberako biko zubibidea, aurreteinkatutako hormigoizko kaxa erako sekzioa duena eta bertan egindako hegalkinekin eraikia.Biak 250 metrokoak dira eta erdiko baoak 90 metroko argia du. Zubibidea Ubera ibaiaren gainetik eta Bergaratik Elgetara doan errepidearen gainetik pasatzen da, 40 metroko altuerako pilareen gainean eraikita.
San Martzialeko tunel bikoitza, 1,4 kilometroko zuloak dituena.Tunel zulatzea, inguruko bide zatietako tuneletan egin den bezala, bi fasetan egin da, aitzinatze eta xehatze faseetan, leherketak eginez eta eusteko gunita eta buloiak erabiliz.Zona karstiko batean barrena pasatzen da, eta hori dela-eta euskarria indartu egin behar izan da une batzuetan.
Angiozarko tunel artifiziala, 140 metro luzea eta zimentazio zaila izan duena. Hori da orain Bergaratik Angiozarrera doan GI-3360 errepide berritua, autopistaren lubeta azpitik doana.
Ipiñarriko zubibide bikoitza, batez beste 640 metroko galtzadak dituena. Deba ibarra gainetik gurutzatzen duen zubi hau berezi samarra da.Taula hormigoi aurreteinkatuzko kaxa erako eta ertz aldakorreko habe bat da, autozinbrien bitartez eraikia pilare gainean, eta pilareak, altueraren arabera sekzio desberdina duten fuste eliptiko eta kapiteldunak. Baoen argiak ere desberdinak dira; handienak, ibarraren erdikoak, 85 metro ditu.Zubi hau da A-1 autopistan Gasteiz eta Eibar artean egitekoak diren guztietan luzeena.
Obrako gauza nabarmenenak goian aipatu diren egiturak eta tunelak diren arren, esan behar da milioi bat metro kubikoko hondeaketak egin direla eta Angiozarren bi milioi metro kubiko eta 70 metroko altuera dituen lubeta bat egin dela.Lubeta hau egiteko autopistaren zati horretako eta beste zati batzuetako materiala erabili da eta, gainera, Bergarako Labe Garaietako zepa eta hondakinen isurtegia tratatu eta zigilatu da.
Zoruari dagokionez, tarte honetan zoladura erdi zurruna egin da: zabalgunearen gainaldean zoru egonkortua eta zementuzkoa jarri da betun nahasketazko geruzen azpian, zoruei buruzko jarraibide berriak dioen bezala.Errodadura geruza porotsua da, beste tarteetan bezala, tunelean izan ezik.
Arrasate iparra – Bergara hegoa zatiko hegoaldeko azpizatian zirkulaziorako irekitzen den zatia.-Lanak 2001eko abenduaren 28an hasi ziren.
Kontratista A-1-Iparra aldi baterako enpresa batasuna da, Altuna y Uría, Costrucciones Galdiano, Moyua eta Murias enpresek osatua.
Lanen zuzendaritza Prointec SA enpresak eraman du.
Irekitzen den obra zatian, Zaldumendiko lotunean Maltzaga eta Eibartik datozen eta harantz doazen ibilgailuen mugimenduetarako bideadarrak eta Bergarako ekialdeko saihesbidearekin (GI-632) eta Teileriako biribilgunearekin (GI-627) lotura egiten den tokiraino doan bidea daude. Lotura egiten duen bide horretan dago Zaldumendiko ordainleku berria eta hori ere zerbitzuan jarriko da.
Lotura egiten duen bidezati horrek 1,4 km ditu, eta 9 milioi euro inguru kostatuko da.
Obrako alde honetan aipagarria da lotura egiten duen bideko zubia: 169 metro luzea da, oinplano korapilatsua du hainbat bihurgunerekin, eta bost bao ditu. Taula aurreteinkatutako lauza arinduz osatuta dago.Lotura bide hori mendi magalaren erdialdean itsasteko zenbait horma egin behar izan dira, konponbidea aurkitu behar zelako zuzeneko loturaegiteko, alde batetik, zeharkako ardatza den Bergarako ekialdeko saihesbidearekin (GI-632) eta, bestetik, Deba aldeko ardatzarekin (GI-627) Teileriako biribilgunearen bitartez.
Zaldumendi eta Bergara iparraldearen arteko instalazioak.-
Azaldutako lanez gainera, zati berriko instalazioei dagozkienak martxan jarri eta inauguratu dira.Aipagarrienak San Martzialgo tunelari dagozkionak dira, oso espezifikoak zirelako beste kontratu baten xede izan direnak, lehen Bergara eta Eibar arteko zatian egin zen bezalaxe.
Lan hauek 2003ko abenduaren 17an hasi ziren.
Kontratista “San Martzial” aldi bateko enpresa batasuna izan da, dagoeneko zerbitzuan dagoen zatiko tuneletako instalazioak egin zituzten enpresa berek osatua, hau da, Asfaltos Naturales de Campezo, Elektra eta Indra enpresek.
Obra zuzendaritzaz IDOM arduratu da.
Aurrekontua 6 milioi eurokoa da.
Autopistako zati berri honen eta tunel berriaren hornidura maila aurrekoen antzerakoa da eta aise betetzen ditu azken arauak eta gomendioak.
Funtsean, honako hauek dira instalazioak:Energia hornitzeko sistema, bi hartune dituena, talde elektrogenoak eta Etengabeko Hornitze Sistemak.
Tuneletako eta sarreretako argiak.
Luzekako aireztatze sistema
Hustuketa zuloak elkarren artean 250 metroko tarteak utzita.
Sua detektatzeko sistemak eta ur ahoak hustuketa zuloen ondoan, ur deposituak eta presio ponpak kanpoan daudela.
Telebista zirkuitu itxia; kamerak, elkarren artean 150 metroko tartea utzita; eta gorabeheren detektagailu automatikoak.
Megafonia
SOS zutoinak, hauts lehorreko itzalgailuekin.
Seinale aldakorrak tunelaren barruan eta inguruetan.
Tunela ixteko langak tunel sarreretan.
Gorabeheren berri ematea hiru maiztasun modulatutan (Euskadi Irratia, FM).
San Martzialgo tunelean, irteera ahoetan, instalazio horiez gainera NOx neurtzeko aparatuak jarri dira,gas horien mailak kontrolatzeko eta gerora eduki ditzaketen ondorioak esperimentatzeko.
Instalazio horiek guztiak gobernatzeko indar handiko kontrol sistema informatizatu bat dago, Bergarako Ondartzako Kontrol Zentroan kokatua, eta aurreko autopista zatia ireki zenetik lanean ari dena; handik kudeatuko dira, printzipioz, autopistaren Gipuzkoako zatian dauden tunel guztiak.Zati berri hau irekitzeko motiboarekin, kontrol gela osatu eta hobetu egin da, eta autopistako hurrengo zatiak irekitzen direnerako ere prest gelditu da.
Halaber, tunel berria zerbitzuan jartzearekin tunel hauetarako dagoen Ustiapeneko Eskuliburua berritu eta eguneratu egin da, eta esan dezagun segurtasunaren aldetik ekintza plan hauek ezartzen dituela:
Ohiko Lanen Plana, bereziki trafikoa kudeatzeko eta erabiltzaileari informazioa emateko dena.
Barneko Larrialdi Plana, gorabeherak gertatzean erantzun egokiak emateko dena.
Mantentze Plana, instalazioak beti ongi ibiltzea ziurtatzeko dena.
Amaitzeko esan dezagun San Martzialeko tunel berri hau aprobetxatu dela merkatuan agertu berriak diren bi anemometro mota, ultrasoinuen teknologian oinarrituak, probatzeko; hau da, haien funtzionamenduaren proba errealak egiteko,batak eta besteak zer abantaila dituzten jakitearren. |
